49 - XABIER MENDIGUREN - Bihotz gosetien kluba

Ehiztari bakartia omen da bihotza, norbaitek behin esan zuenez; beste bihotz batzuen bila dabilen ehiztaria, bere gosea asetzeko, bere bakardadea arintzeko. Hala liburu honetako protagonistak ere: Gabonetan larrialdiko miraria espero duen albaitaria, lankide bat bere sarera biltzeko estrategiak lantzen dituen telebista-produktorea, mutilarengana bidaian harekin segitu nahi duen galdezka doana…

Komedia giroko bost narraziok osatzen dute Bihotz Gosetien Kluba: istorio laburrak eta luzeagoak, denak ere maitasunaren nahi eta ezinaren inguruan dantzan dabiltzanak.

Estilo jostalaria darabil egileak kontakizun hauetan, pertsonaien lepotik barrez batzuetan eta haien kuitekin bat eginez besteetan, igurtziak eta atximurrak tartekatuz, amodioak berak egiten duen antzera.

Iritzia: Istorio laburrak agian laburregiak dira, eta luzeagoak direnak ondo daude. Irakurtzean gaia da errazten ez duena, benetako bihotz gosetiak direla eta. Dena den, astialdia pasatzeko ondo dago.

0 Response to "49 - XABIER MENDIGUREN - Bihotz gosetien kluba"

Publicar un comentario

Related Posts Plugin for WordPress, Blogger...